2,000 pesos ayuda para sa mga walang trabaho makukuha na

 Bagamat may limitasyon sa tradisyunal na pagtitipon, tuluy-tuloy pa rin ang pagbabahagi ng kaalaman sa mga benepisyaryo ng Pantawid Pamilyang Pilipino Program sa kani-kanilang mga tahanan.

Bahagi ng Pantawid Pamilya ang pagsasagawa ng buwanang Family Development Sessions kung saan tinatalakay ang mga paksang makatutulong sa pagpapaunlad ng mga pamilya tulad ng paghahanda sa panahon ng sakuna, pagba-budget sa tahanan at karapatan ng mga bata. Ang pagdalo sa buwanang FDS ay isa sa mga responsibilidad ng mga benepisyaryo ng programa.

Ngayong buwan ng Abril, nagsasagawa ng home-based FDS sa pamamagitan ng panonood ng instructional videos o pagbabasa ng mga modules tungkol sa "Positibong Komunikasyon sa Gitna ng Krisis."

Ang paksang ito ay tumatalakay sa kahalagahan ng komunikasyon sa loob ng tahanan at iba't ibang mga paraan kung paano ito mapapanatili sa pamilya.

"Malaki ang pasasalamat ko at sa paraang ito, nalaman ko ang saloobin at opinyon ng aking mga anak upang magkaroon kami ng matatag at matibay na ugnayan ngayong panahon ng krisis," pagbabahagi ni Dina Masiglat, benepisyaryo ng Pantawid Pamilya mula sa Brgy. Dalig, Antipolo City.

***Ang mga larawan ay mula sa mga FB posts ng ilang benepisyaryo ng programa sa Calatagan, Batangas at Majayjay, Laguna. #4AFDS